قصيدة عامية بعنوان :
مش كفاية
مش كفاية
للشاعرة والإعلامية :
أنوار جودة
مش كفاية زورتوا التاريخ
والدم ف إيديكم صريخ
ملعون ابوكم ايوه ملعون ابوكم
مش شتايم ولا ألفاظ بذيئة
دي دعوة مظلوم محروق م الحقيقة
اللي شايفينوا بعنيكم بتكدبوه
ولو غلبتوا فيه بتحللوه
ذنبه أيه شاب لسه مشافش دنيا
وإلا أم خرجت بس مش راجعه
بكره الطفل يكبر ويشوف امه
دمها غسل الشوارع
والميادين اللي محسوبه حرة
والميادين اللي محسوبه حرة
قتلت البراءة بين
ايدين متعرفهاش
بيجري بيستغيث ..
اى عربيه !!
اى عربيه !!
خدوها اسعفوها
يمكن تلحق تعيش !!
بس فين ما خلاص بقيتي بور
ماتت شهامتك ماتت رجالك
فالعبور
ودا كله ليه يا بلد فجور
بتهللوا للظالم وللفرعون
وترجعوا تبكوا كما الغربان
مفيكيش خلاص غير شوية
عجز متحشرين فاكتاف
شايله هموم وحمول تهد جبال
وابقى اصبرى لاتعمرى
لخنازيرك لعواجيزك
الى حرقوا كل خيرك
من أمتى بتغني وبتسمعى أمي
خانتك ورود حمرا
خانك عصير الدم نيلك بقا احمر
واسود كمان م الهم
ماتسيبي شىء يتحب
زرعتي فينا الكرهه
حصدوا ملاعينك كل شىء يتحب
حروقوا بساتينك
حرقوا قلوب كانت بتهمسلك
كل دقيقة تعيشي يابلادي
موّتى فينا الحلم ولسا ياهادي
ماتعتبيش لما الصغير يعرف
انك حرمتيه امه
ماتعتبيش لما يشيل النار
لاجل مايحرق بيها قلبك
سرقتي منه النور قتلتي
فيه الفرح خليتيه مكسور
شاب يعينى وهو لسا رضيع
ماخلاص مفكيش شباب
ولا فيكي خير للخير
خيرك بقى للخونه والظالمين
بس ف يوم هيعود الحق
للمظلوم وماتعتبيش ساعتها
عشان عتابك مات
وكرهنا ف يوم هيصبلك
لعنات
هيصبلك لعنات
بقلم انوار جودة
