ال Artificial General Intelligence
وده حاجة كده تقدر تقول انها نظام ذكي جدا
الذكاء الإصطناعي العام أو القوي
بيقدر يقوم بالمهام اللي يقدر يقوم بيها الشخص العادي حاجة كده بيقدر يعلم نفسه ويتعلم من أخطائه وعنده إدراك, يعني عنده cognitive abilities زي البشر حاجة كده زي Skynet بس في مراحلها الأولى, في الأول خالص ليه العلماء وناس عظيمة جدا زي هوكينج وماصك خايفين من تطور الذكاء الإصطناعي, الأول لازم نعرف حاجة اسمها علم النفس الإصطناعي Artificial Psychology.. هو ببساطة theoretical discipline بتدرس العمليات العقلية الخاصة بالذكاء الإصطناعي زي مابيدرس علم النفس العمليات العقلية وسلوك الأفراد بالنسبة للبشر, النظرية دي بتنص على ان الذكاء الإصطناعي AI هيوصل لمرحلة التعقيد الخاصة بالذكاء البشري لما يلبي 3 شروط اساسية:1- الشرط الأول:
الذكاء الإصطناعي بيتخذ قرارته بشكل مستقل بدون مراقبة او تدخل البشر وبياخد القرارات دي من معلومات اما انها جديدة تماما او مستخلصة أو معلومات غير كاملة.
2- الشرط الثاني:
نظام الذكاء الإصطناعي قادر انه يعيد برمجة نفسه بناءا على المعلومات الجديدة أو يحل مشاكله البرمجية في حالة المعلومات الغير كاملة.
3- الشرط الثالث:
لما خصائص الشرطين اللي قولناهم فوق دول يتقابلوا في موقف مش ضمن برنامج التشغيل الأصلي يعني مش ضمن البرمجة الأساسية يعني يحصل حالة جديدة تماما وغير متوقعة.
بيعتقد بقا لما يتم استيفاء الشروط التلاتة دول هيكون فيه إمكانية ان الذكاء الإصطناعي يوصل لإستنتاجات مبنية على المعلومات المكتسبة وكمان الإستدلال من اللي اتعلمه واتخزن في ذاكرته, في المرحلة دي لازم يكون في معايير يتم وضعها في الحسبان ولازم يكون ليها مكان في الأنظمة دي وإلا ممكن يخرج الأمر عن السيطرة ويكون عندنا "ذكاء إصطناعي" مريض نفسيا وتبقى حاجة زي Skynet المدمرة وطبعا الأمر هنا والتدخل بإعادة البرمجة هيبقى المستحيل ذاته.
تخيل كمبيوتر او روبوت بيقدر يتعلم ويفكر وتقدر تتكلم معاه ويساعدك في انجاز المهمات زيك وأحسن منك كمان وعنده إدراك حاجة كده خيال علمي ومن كتر روعة وجنون الفكرة نفسها إلا ان فيه شركات كل ابحاثها موجه في الموضوع ده اخرهم شركة agi3 أو AGI Innovations Inc خصصت مبلغ 4 مليون دولار لتطوير الذكاء الإصطناعي القوي/العام Artificial General Intelligence وعلى مدى السنة اللي فاتت دي جمعوا فريق من أقوى المبرمجين وعلماء نفس الذكاء الإصطناعي AI Psychologists عشان نوصل للمستوى ده من الذكاء..
فيه ناس لسه بتشكك ان استحالة نوصل للمرحلة دي وانها مجرد خيال بس عايز أقولك اذكي عقول في كوكب الأرض بيتشاركوا الخوف من المرحلة دي وفيهم كمان اللي بيتوقع امتى هتحصل وبيوقعوا خطاب مفتوح عشان "نحاول" منوصلش للمرحلة دي ابدا.. عموما المستقبل هيفوق كل أفكار وأفلام الخيال العلمي اللي شوفتها او اللي ممكن تكون خطرت على بالك في يوم.
اقرأ ايضا :
